كشف الممثل عمرو يوسف عن حكاية أخطر مشهد تعرض له فيل فيلم “هيبتا” وهو المشهد الذي عرضه للخطر وكان علي حافة الموت كما يقال عندما قرر أن يصور بعض لقطات العمل وهو واقفا علي سور البلكونة , ورغم أن مخرج العمل هادي الباجوري أستعان بونش الا أن ذلك لم يمنعه من مواجهة الخطر أيضا ,
وقد نشر عمرو صورة علي حسابه بالانستجرام وهو معلق بونش وأخري وهو يقف علي سور البلكونة وعلق قائلا : “بحكي الحكاية دي عشان اتسألت كتير عن المشهد ده و اذا كان بجد ولا جرافيك ، في الصورة اللي قبل دي في ونش و انا مربوط بحبل في الونش ده و الحبل مش مشدود عشان يسمحلي بحرية الحركة علي السور بس في حالة الوقوع الحبل يتشد فنتفادي الموت بس ممكن شوية كسور ، و فجأة قرر هادي الباجوري انه عايز يصور شوت واسع بس لازم في الحاله دي نشيل الونش عشان ميظهرش في الكاميرا و ساعتها الحبل بقي مربوط في دراع بني ادم بدل الونش ، ده اسمه (اندرو ماكينزي) من اشهر الناس في الشغلانة دي ثقتي فيه خليتني احط حياتي في ايديه و بس ، و كمان و ده الاهم ان اللي بيحب شغله ممكن يعمل اي حاجة عشان يطلعه في احسن صورة لأن حقيقي ماكنش في حاجة في الدنيا ممكن تخليني اعمل كده غير حبي لشغلي و احساسي إني عايز اطلعه في بأحسن شكل”
المعروف أن الفيلم يعرض الان في دور العرض المصرية وأستطاع أن يتصدر الايرادات من أول يوم عرض, وقد تجاوزت إيرادته حتي الان حاجز ال22 مليون جنيه , كما بدا عرضه مؤخرا في الامارات وبعض الدول العربية الاخري
