كشفت المخرجة المتميزة عن رغبتها في خوض انتخابات البلدية في بيروت في خطوت تعد جريئة لصانعة أفلام مثلها , تقرر فجاة أن تخوض معترك السياسة , وهذا ما أثار جدلا واسعا بين المثقفين والراي العام في الشارع اللبناني , ولكن لبكي قررت أن تكشف سبب قدومها علي هذه الخطوة  وكتبت رسالة علي حسابها الشخصي بالفيس بوك “أنا أكيدي البعض متلك عم يسأل حالو نفس السؤال:”مرشحة على انتخبات البلدية ببيروت؟!!!! ولك شو بدا بهل شغله! هيدا مش محلها !”
خليني قلك شو بدي بهل لبكي :
أنا هون من حرقة قلب. أنا هون مواطنة لبنانية عايشة ببيروت محبطة، حزينة، غضبانة، خايفة.
خايفة إفتح شباك بيتي لأني خايفة على ولادي من نسمة الهواء.
خايفة اتمشّى بالشارع بعد غياب الشمس لأنو ضوّ البلديه محروق .
خايفة على إبن الجيران يلي عم يلعب بالطابة بين السيارات لأنو ما في جنينة تستقبلو.
خايفة على الصبي الحفيان يلي واقف على الإشارة ما تئشّو شي سيارة.
ولك حتى صرت خايفة من عقصة البرغشة.
لمّ بدك توصف إنسان بالجبان بتقول عنو :”شو جبان بيخاف من البرغشة!” نحنا اليوم تحوّلنا لناس جبناء خايفين نعيش…
منعدّ للعشرة قبل ما نشرب نقطة المي.
منعدّ للميّة قبل ما نكدش كدشة من السندويشة.
أنا يمكن ميسورة قادرة ركِّب فلتِر للمي أو حطّ مكنة تنضِّف الجوّ ، بس الانسان الفقير يلي مارق المجرور بنص بيتو شو بيعمل؟
أول مبارح ٢٢ نيسان كان يوم عيد الأرض.
أيّ أرض والفرد ببيروت عايش بأقل من متر مربع مساحة خضرا؟
أيّ أرض و نسبة التلوث فيها مرتين أكتر من ما بتسمح منظمة الصحة العالمية؟
كيف بلدية بيروت عندها فائض مليار دولار، و ما زرعت شجرة تحت بيتي من ٦ سنين؟
كيف عندها فائض مليار دولار وبعد في ولاد عم تلعب football بين السيارات؟
كيف عندها فائض مليار دولار والزبالة صارت جبال على طرقاتنا؟
ليش كل ما بتشتّي الدني ما حداً في يوصل عشغلو من عجقة السير ؟
ليش ثلاث أرباع مبانينا التراثية بالأرض؟
ليش هلقد في استلشاق؟ ليش هلقد في تعتير ؟ ليش هلقد في لا مبالاة ؟
ليش ما عندي ولا جواب مقنع على ولا سؤال؟
“بيروت مدينتي” خلقت بقهوة بين شباب وصبايا خايفين متلي، وطافح كيلون متلي،
قرروا ياخدوا بزمام الأمور ويطبّقوا مقولة “ما بحِكّ جلدك إلا ضفرك” لأن القيادة السياسية التقليدية فشلت. فشلت بالتعاطي مع أمور وقضايا الناس.
“بيروت مدينتي” هي مجموعة خبراء بمجال التنظيم المدني والبيئة والنقل والهندسة والاقتصاد والحفاظ على التراث.
مجموعة شباب وشابات، شمَّرِت على زنودها، ونزلت على الشارع تسأل الناس شو همومها ، وتعيش معها أوجاعها .
ونظمت مساحات نقاش بكتير من المناطق البيروتية لتطلع ببرنامج ذكي، واقعي، مدروس، اولوياته الناس و جودة معيشتها.
“بيروت مدينتي” هي مجموعة ناس متطوّعة، نضيفة، مستقلة، شغوفة، ذكية، ناشطة، صرلا سنين عم تشتغل عالأرض بالظل بطريقة فرديّة لمصلحة بيروت.
كل هالطاقات اجتمعت اليوم بمركز زغير ببدارو لتغيِّر واقعها.
من هيك أنا هون اليوم.
لصير وحدة منن. لقدم قد ما بعرف من خبرتي و نجرب سوا نرجِّع بيروت يلي منحلم فيا!
لأنو بيروت “ستّ الدنيا” صارت هلق ستّ مشوّهة، حزينة، تعبانة، أنجأ قادرة تمشي..
فإذا إنت متلي محروق وغاضبان سماع مني يا صديقي، تعا ننسا الحزب وننسا الطايفة، نحنا اليوم لبنانيين، ولاد بيروت ، وبيروت أمّنا ،متِّكلي علينا نرجع نوقِّفها عاجريها!
امشي أنا ويًّاك نغيّر الصورة وننزل سوا على صناديق الإقتراع ب ٨ ايارلنصوّت لخيار جديد، لفرصة أخيرة، لنصوّت ل ‫#‏بيروت_مدينتي‬ ، بيروت مدينتك، بيروت مدينتنا.
صدقني يا صديقي بيروتي وبيروتك بتستاهل كل هل لبكي و أكتر.
مع محبتي
نادين

المعروف أن نادين لبكى مخرجه لبنانية درست الإعلام بجامعة سانت جوزيف فى بيروت وحصل مشروع التخرج الخاص بها على جائزة فى باريس عام 1998 ثم اتجهت إلى إخراج الإعلانات والفيديو كليب حيث تعد من أشهر مخرجات الفيديو كليب العربيات ففى بداية التسعينيات شاركت فى مسابقة للمواهب تحت إسم “ستوديو الفن” لسيمون اسمر وشاركت فى مسابقة الإخراج وقدمت خلالها فيديو كليب لمطربة اسمها كارلا تحت اسم “حبيبى يا” ومن بعدها قدمت مجموعة كبيرة من الأغانى المصورة والتى إشتهرت بها وكان أولها كليب لبسكال مشعلانى وكاتيا حرب وغيرهما إلى أن قدمت أول أغانى نانسى عجرم “أخاصمك اه” والتى لاقت نجاحا غير عاديا وتلتها مجموعة أخرى لأغانى نانسى إضافة إلى عدد كبير من الكليبات لمجموعة كبيرة من النجوم، وفى عام 2004 حضرت مهرجان كان السينمائى الدولى لكتابة فيلم “سكر بنات”، كما شاركت كممثلة لأول مرة من خلال فيلم “البوسطة” ويعتبر فيلم “سكر بنات” أول فيلم سينمائى طويل لها بعد إخراجها للعديد من الكليبات لفنانين أشهرهم نانسى عجرم، أحدثت موجة جديدة فى مجال إخراج الفيديو كليب.