نالت الممثلة الشابة انجي وجدان بعض ردود الفعل الساخرة بعد أن أنتشرت لها صورة بعد الانجاب وهي ممتلئة وتبدو زائدة في الوزن بسبب الحمل والانجاب , الغريب أن انجي ردت علي المنتقدين وقررت ان تعطيهم درسا قاسيا ثم نشرت لها صورة أخري في نفس المرحلة وعلقت “الصورة ديه (مع إنها مش أحسن صورة ليا الفترة ديه) إهداء لكل واحد أو واحدة بيتريقوا على جسمي. ده شكلي اليومين دول بعد ما خلفت. اللذيذ بقى في الموضوع إن أنا مش فارق معايا الناس إللي عمالة تعلق. أنا واحدة حملت و خلفت. و تخنت في الحمل جامد. عادي إيه المشكلة؟ و بعدين أنا حرة. و حابة نفسي في أي شكل. أنا ممكن يفرق معايا الناس إللي تعلق على شخصيتي، لكن وزني لأ و لا يفرق معايا. و بعدين هو كل واحدة جسمها مش موديل تبقى وحشة؟ إيه السخافة ديه.
و ديه رسالة لكل بنت، أنت جميلة زي ما أنت كده. و إللي مش عاجبه يتفلق. استمتعي بحياتك الواحدة بتعيش مرة واحدة بس
