تقدم الفنان عمرو يوسف اليوم من خلال محاميه الخاص بتقديم بلاغ للنائب العام ضد المواقع الصحفية التي تداولت خبر القبض عليه عليه بصحبة زوجته وفي حوزتهما مواد مخدرة , وهو الخبر الذي اثار جدلا واسعا خلال الأيام الماضية واصاب اسرتي عمرو وكندة باذي نفسي شديد

وقد قيد البلاغ برقم 9735 لسنة 2017 عرائض النائب العام.

يذكر أن عمرو يوسف بث فيديو عبر حسابه الرسمى على موقع التواصل الاجتماعى “فيس بوك”، قائلا:”صحيت النهاردة الصبح على خبر بايخ جدا وغريب جدا، كاتبين أحد المواقع أنه تم القبض عليا أنا وزوجتى فى القاهرة، ومعانا أقراص مخدرة، طبعا الموقع ده المفروض أنه موقع محترم وكبير وله أسمه”.

وتابع عمرو يوسف فى الفيديو: “مبدئيا كندة مراتى فى الجونة، واللى متابعنا على السوشيال ميديا بقالنا فترة قاعدين فى الجونة، وأنا رجعت امبارح وهى لسه هناك، عشان كان عندى اجتماع شغل، امبارح والنهاردة وهسافر تانى، الموضوع مالوش أى أساس من الصحة، صحيت النهاردة لقيت الخبر زى الناس بالظبط، لقيت واحد صاحبى بيصحينى الحق ده فى خبر كذا كذا”.

وأضاف عمرو يوسف: “بعمل الفيديو ده عشان 3 حاجات أول حاجة عاوز أطمن كل الناس اللى بتسأل عليا والتليفونات الكثيرة اللى مش عارف ارد عليها كلها، بشكركم جدًا أنا زى الفل وما فيش أى حاجة وكندة فى الجونة واحنا زى الفل”.

وتوعد عمرو يوسف ناشر الشائعة قائلا: “تانى حاجة كل موقع أو صحفى كتب من غير ما يتحرى الدقة أو يتأكد من الخبر أنه صح أو غلط، فى قضايا ها تترفع علشان نجيب حقنا بالقانون”