انتشرت منذ أيام صورة لتامر حسني وهو في سن المراهقة وهي الصورة التي أثارت جدلا واسعا علي مواقع التواصل الأجتماعي بعد أن تعرض ل”تريقة” من البعض وهذا ما جعل تامر يرد علي كل من تهكم عليه بشكل ناري , وكتب تامر رسالة علي صفحته الخاصة بالفيس بوك تحت عنوان “لمن يهمه الأمر” وكتب تامر قائلا : لمن يهمه الأمر من يومين نزلت صوره ليا وأنا صغير وشغلت ناس كتير وفضلوا يتريقوا على الصوره في الحقيقة إني في الوقت ده فعلاً كنت بحاول أقلد المشاهير في صورهم وأفلامهم وحراكاتهم
وتابع وبغض النظر عن أن فالوقت ده كانت الموضة شبه كده وأنا بقول شبه كده لأني كنت ولد صغير معندوش فلوس نهائي يشتري لنفسه حاجه غاليه ،ولا عنده اب يشتريله حاجه اصلاً
وأشار اللي عايز اقوله إني من يوم الصوره دي وأنا حالف إني أتصورها بجد وأنا مشهور الصوره دي بتثبت لأي شاب إيجابي أن مفيش مستحيل واللي عايز يتريق على الولد اللي في الصوره هقوله يارب تنجح زيه أنا فخور بالصوره دي
وأضاف وانهارده بقول للولد الصغير ده أنت راجل عشان حلمت بحلم وحققته وبدأت من تحت الصفر ووصلت لحلمك بمجهودك وعرقك وكمان أشتغلت شغلانات كتير فيها شقى وتعب عشان تصرف على أهلك من وأنت فالسن ده شكراً يا ولد يا صغير إصرارك عمل مني راجل انسان فنان أسمه تامرحسني.”