علقت زينة علي البيان الذي نشره أحمد عز بعد براءته اليوم في قضية سبها وقذفها بأنه كان واثق في هذه البراءة وانه لابد أن يكون محترم حتي لو كل الناس غلطت فيه ” و نشرت زينة جزء من هذا البيان مرفقا بصور لاحمد عز في لندن يوم إعلان الحكم لتكشف عن هروبه خارج البلاد
وكتبت زينة علي حسابها الشخصي بالانستجرام : “معلش بقى أنا ماكنتش ناوية أعلق بس بصراحة كدبك اللى مالوش نهاية بيستفزني جدا.. أولا مبروك برائتك من قضية السب والقذف فى حقى ولو إن مبروك من تهمة دى مش حاجه تشرف أوى.. يعنى أنت ما اخدتش جائزة نوبل!! وكده كده ماكنتش هاسيبك تتسجن علشان ولادك مايبقاش أبوهم رد سجون”.
وقالت زينة عبر حسابها،: “ارجع بقى من لندن اللى أنت مستخبى فيها.. ماتخافش مش دى صورتك هناك.. أما بقى لو جبت سيرة ولادك وقضية النسب دى تانى هيكون ليا تصرف تانى معاك وبالقانون لأن القضية دى اتقفلت لآخر يوم فى عمرك.. بطل كدب وبطل تضحك علي الناس لأن الناس مش هبلة وخلاص اتلهى فى شغلك ومعجباتك اللى تعرفهم معرفة شخصية من قلتهم .. وكفاية بقى فيلم محترم ده علشان ماحدش بيصدقه غيرك”.
وأضافت: “الناس عرفت حقيقتك وياريت تبطل تستغبى الناس .. والأهم من ده كله لو كان تم الحكم عليك كنت هاحس إن ربنا بيحبك وبيكفر عنك في الدنيا.. لكن الحمد لله حتى يبلغ الحمد منتهاه حسابك عند رب العالمين شايلهولك كله فى الآخرة ومفيش أعظم من حساب ربنا.. وابقى روح لربنا قوله أقسم بالله”.
