رغم أحتدام المنافسة بينهما علي قمة إيرادات أفلام عيد الفطر الا أن الواقع يكشف حقيقة مختلف تماما وعلاقة تسودها كل الحب والاحترام بين أحمد السقا ومحمد إمام , وهذا ما كشف عنه إمام اليوم من خلال رسالة كتبها علي صفحته الشخصية بالفيس بوك يتغزل فيها بالسقا ويدين له بالفضل بعد أن أختاره لتقديم دور شقيقه الاصغر في مسلسل “خطوط حمراء” والذي ساهم بشكل كبير في تحقيق نقلة نوعية لمحمد إمام في هذه المرحلة
وكتب إمام قائلا : ” انا هقول حاجة لوجه الله و ربنا شاهد علي كلامي …
انا طول عمري بحب أحمد السقا جداً و بعتبره بجد زي أخويا الكبير … هو الممثل الوحيد في جيلة اللي حضرت له تقريباً كل أفلامة في السينما من كتر حبي فيه … لما ابتديت امثل كان من امنيات حياتي إني اشتغل معاه … و من اكتر المرات اللي فرحت فيها لما هو اللي اخترني بنفسة علشان أعمل دور أخوه الصغير في مسلسل خطوط حمرا اللي مازال من أكتر الأدوار اللي بحبها و فرقت معايا في شغلي علشان خاطر وقفت قدام احمد السقا … انا بحبك اوي يا سقا و مبروك النجاح العظيم لفيلمك الجديد و من نجاح لنجاح دايماً يا حبيبي
وبعد أن نشر إمام هذه الرسالة لم ينتظر السقا طويلا للرد عليه فعلق السقا قائلا : “يامحمد ياحبيبي الفضل لربنا..ربنا يوفقك كمان وكمان انت اخويا وحبيبي”
المعروف أن محمد إمام يتصدر إيرادات أفلام العيد بفيلم “جحيم في الهند ” بعد أن حقق ما يقرب من 8 ملايين جنيه في يومي عرض , بينما يأتي في المركز الثاني فيلم “من 30 سنة” للسقا والذي حقق إيرادات تصل الي 5 ملايين جنيه في نفس الفترة
