أثار دور الممثلة ميريهان حسين في مسلسل “الخانكة” والتي تجسد من خلاله دور مذيعة وصولية وظالمة حالة من الجدل علي مواقع التواصل الاجتماعي بعد أن شبهها الجمهور بالمذيعة ريهام سعيد وأن ريهام تقوم بتقليدها خلال المسلسل الذي يعرض حصريا علي قناة النهار
وقد نفت ميريهان أن يكون الدور له علاقة بريهام سعيد وعلقت علي حسابها بالانستجرام قائلة : “شخصية نور اللى أنا بعملها فى مسلسل الخانكة هى نموذج لشخصيات موجودة فى الواقع ممكن تظلم بكلمة أو تنتصر لطرف على حساب الآخر بدون حيادية أو عدل و تشارك فى اضطهاد شخص برىء عشان مصلحة شخصية و ما أكثر المصالح الشخصية …
نور من شخصيات المسلسل اللى بيعرض آراء ووجهات نظر شخصيات فى مجتمعنا و تفاعلهم مع قضية أو حادثة معينة وبيعرض شخصيات سلبية فى رد فعلها حتى لو فى اديهم الحل والمسلسل بيعرض كمان قوة إنتشار الخبر السىء حتى لو كذب و ضعف تأثير المعلومة اللى ممكن تكون منقذة …. للأسف.
ملحوظة بس:
أنا مقصدش ريهام سعيد .. أنا بتكلم عن الظلم وأنا واحدة اتعرضت لظلم فى حياتى و عارفاه أكتر من أى حد بينظر و خلاص…
بتكلم عن شخصيات موجودة كتير مش متجسدة فى شخص واحد لكن الناس بتحب تستسهل و تربط اللى بتشوفه بشخص واحد بعينه… نور نموذج لأكثر من شخصية موجودين فعلا و مش شرط تكون بنفس الوظيفة لكن بنفس الفكر
المعروف أن مسلسل “الخانكة” بطولة غادة عبد الرازق وماجد المصري وفتحي عبد الوهاب وأخراج محمد جمعة
