استغاث النجم عزت أبو عوف بالرئيس السيسي بسبب فاتورة الكهرباء الخاصة بشهر سبتمبر حيث فوجيء أبو عوف بقيمة الفاتوة والتي وصلت إلي 13 الف جنيه , وهذا ما أعتبره رقم كبير وغير منطقي خاصة أنه يعيش مع زوجته وأبنه فقط

وكتب أبو عوف رسالة للرئيس علي حسابه الشخصي بالفيس بوك قال فيها :”انتم عارفين انى من اكبر المشجعين للرئيس السيسى ، لكن لما توصلنى فاتورة كهرباء عن شهر واحد لبيت ساكن فية ٣ انفار ( انا و مراتى وابنى ) و معندناش لا ضيوف ولا يحزنون بمبلغ ١٣٠٠٠ جنية (ثلاثة عشر الف جنية) ،فلازم اسألة ، اية اللى بيحصل دة يا ريس ؟ ده انا لو مصنع مش حاخد ب ١٣٠٠٠ جنية كهربا ، وبسأل المحصل قالى ما حضرتك ساكن فى پالم هيلز !!!! يا سلام ، هو اللى ساكن فى پالم هيلز دة لازم يبقى أوناسيس مش ممكن يعنى يكون مفلس ومعهوش ١٣٠٠٠ جنية ، مش عارف اقولك اية يا ريس لكن الحقنا أرجوك”.