بعد ما يقرب من 5 سنوات من الخلاف بينهما والتي ادي إلي القطيعة تقريبا , قام الشاعر ايمن بهجت قمر بالاعتذار للنجم عمرو دياب في رسالة خاصة بعد أن قرر ايمن فتح صفحة جديدة مع معظم الأصدقاء وكتب ايمن علي صفحته الشخصية بالفيس بوك منذ قليل :” أنا بقالي فتره بفتح صفحة جديدة مع كل الناس عشان كده مش هتكبَّر النهارده إني أعتذر وأبارك لأخويا الكبير وعشرة العمر الفنان عمرو دياب على الألبوم الجديد”.
وتابع: “خمس سنين زعل كتير أوي بصراحة وأنا غلطت لأني أقحمت عمرو في مشكلتي مع روتانا وغلطت أكتر لأني أظهرت الخلاف ده في العلن، ولكن الواحد طول الوقت بيتعلم ومحدش كبير على الاعتذار”.
واستطرد قمر: “ويا عمرو زي أنا ما غلطت في العلن أنا بعتذر لك في العلن، إنت فوق إنك فنان كبير إنت أخ حقيقي على المستوى الشخصي أنا افتقدته وعفا الله عما سلف”.
واختتم: “وعايز أقدم برضه اعتذار لجمهور عمرو اللي زعل على زعله وحقكوا على راسي من فوق.. وصافي يا لبن”.