علق أحمد السقا علي الهجوم الذي تعرض له بعد مكالمته أمس مع الاعلامي وائل الابراشي في برنامج العاشرة مساءا علي قناة دريم بعد ان تحدث عن علاقته بالضابط شهيد حادث العريش الاخير وايضا المؤامرات التي تجري علي ارض الوطن , وكتب السقا علي صفحته الخاصة بالفيس بوك قائلا “مساء الخير علي اصدقائى واخواتى على الصفحه….تعقيبا علي مكالمة بالامس مع السيد وائل الابراشى….كل ما اعنيه ان اللى شاف مش زى اللى سمع..انا مش رامبو كما سخر منى البعض ولا انا ضابط شرطه ولا جيش ولا دكتور ولا مهندس انا انسان نفسه بلده اللى اتربى وكبر فيها تبقى احلى حاجه في العالم عشانا وعشان اهالينا وابنائنا وعشان احنا ناس طيبين بالفطره …جربنا كل حاجه يا مصريين..مفيهاش حاجه لو نجرب نرجع منتخب مصر بدل ماحنا فرق ضعيفه..ويشهد الله انا لست من الباحثين عن مجد وصوت عالى انا نفسى اشوف ولاد بلدى في حضن بعض زى الاول…احنا رجاله يا مصريين وحاشى لله ان اميز نفسى واتمنظر((على حد تعبير البعض))انا مواطن مصرى عادى ومصر كلها رجاله وقت الشده بتبان وبنتحامى فيهم..اللهم الف قلبنا يا مصريين رجال وسيدات شباب وشابات صبيان وبنات
