نفي النجم أحمد حلمي ما تداولته بعض المواقع والصحف حول هجومه وأعتراضه علي ما فعله محمد رمضان بنشر صور سياراته الجديدة علي مواقع التواصل الأجتماعي ونشر حلمي بيان علي صفحته الخاصة بالفيس بوك حول هذا الموضوع تحت عنوان توضيح بسيط وقال فيه :” اعزائي الكرام ..
توضيح بسيط وسريع بخصوص ما حدث بعد نشر الصوره بتاعتي وانا راكب العربيه الميني القديمه اللي كانت معايا في فيلم ظرف طارق .. و اللي الناس فهمت انها بغرض اني بوجهه رساله لزميلي الفنان “محمد رمضان” وهذا ما احزني كثيرا
يا جماعه انا لو عايز اوجهه رساله لاي حد اعرفه كويس او حتي معرفوش مش هاعمل كده علي مواقع التواصل الاجتماعي .. لاني عمري ما عملت كده ابدا لاني ببساطه ممكن ابعتله رساله علي موبيله او هاكلمه في التليفون .
اما الكلام اللي كان مكتوب تحت الصوره اللي كتير من الناس معرفش ازااااااااي بجد فسروه بالطريقه دي مع انه فعلا مايخصش حد خالص غير واحد صاحبي هو الوحيد اللي هايفهمه لاني قايله بسبب موقف طريف حصل معانا و ليه علاقه بالعربيه الميني .. علشان كده نهيت الكلام المكتوب بـ ” ده كلام في سرك ….. ششش”
زميلي العزيز ” محمد رمضان ” … ربنا معاك و يوفقك دايما و تحقق كل اللي نفسك فيه في حياتك الفنيه ..
وكان حلمي قد نشر صورة له داخل سيارة صغيرة عقب نشر محمد رمضان صور سياراته الجديدة وكتب بجانبها عبارة غير مفهومة عن الأسرار بشكل عام وما يمكن البوح به أو أخفائه
